藝人與粉絲的關係如同唇齒相依。鄧麗欣（Stephy）以寵愛粉絲聞名，入行多年，她與歌迷之間有著深厚的默契。為慶祝Stephy Fantasia歌迷會成立17周年，Stephy日前與過百名歌迷共聚一堂，慶祝這特別的日子。現場氣氛熱鬧感人，大家一起玩遊戲、切蛋糕、拍合照，並互相傾吐心聲。
當天的活動中，Stephy參與了「估口型」、「以訛傳訛」和「三字經」等遊戲，與粉絲們玩得不亦樂乎。隨後的傾談環節中，粉絲們紛紛向偶像表達心聲，不少人希望Stephy能盡快舉行演唱會並推出新歌，甚至期待她的新創作。一位來自澳門的粉絲首次見到Stephy，眼眶濕潤地說，每當聽到她填詞的《黑白照》時，總是感動落淚。另一首《蘋果》也深受粉絲喜愛；有粉絲更開玩笑地說，Stephy的《中華冷面》非常吸引，希望她能考慮跳唱新歌。Stephy開心地回應，表示會將這些心聲牢記在心，並希望能盡快以新作品回饋粉絲。
在活動尾聲，Stephy感謝粉絲多年來的陪伴與支持，感動得哽咽地說：「真係好開心！無論你哋係17年都喺度陪住我，還是第一次嚟，都真係衷心感謝每一位，多謝大家嘅陪伴。其實我都陪伴住大家經歷咗好多次畢業，由小學到博士，好犀利！我能夠報答大家嘅，就只能夠用我嘅成績同努力，我相信我係做到嘅，希望唔會令大家失望。經歷咗咁多年嘅高低起伏，我愈來愈懂得珍惜愛我嘅人。你哋成日講無論任何事都會支持我、陪伴我，我愈來愈感受到，除咗家人，我真係諗唔到點解會有人無條件去支持另一個人，但你哋做到了，我真係好感動！我都會無條件地付出我嘅努力，唔會令大家失望，希望你哋會為我感到驕傲。今年內真係有新歌嘞！大家期待我嘅電影、電視劇同新歌啦！用作品說話！」
當被問到現時的她是否開心時，Stephy毫不猶豫地回答：「我好開心呀！快樂係嚟自好多嘢，除咗我愛嘅工作，生活都好重要，大家見到我都會去吓旅行，我都幾識得生活架。只要做到我鍾意做嘅嘢，享受生活，我係絕對開心快樂，大家可以放心，希望大家都一樣，最緊要愛錫自己。」
